Չինացին պատրաստել է աշխարհի` աշխատող ամենափոքր ավտոմեքենան (լուսանկարներ)

Չինացի գյուտարար Շու Ժիյունն իր գիտելիքների ու հնարամտության շնորհիվ ստեղծել է աշխարհում ամենափոքր մեքենան, որը նախատեսված է ճանապարհային օգտագործման համար:

Ինչպես նշում է dailymail.co.uk-ը,  թեև արտաքուստ մոդելը նման է խաղալիքի, սակայն իրականում այն ունի գործող շարժիչ, արագացման ոտնակ ու սովորական ավտոմեքենային հատուկ այլ մասեր:

Վաթսունամյա տղամարդը պատմել է, որ մեքենան պատրաստելու  համար իրենից պահանջվել է մոտ 280 դոլար: Սակայն ստացված արդյունքը գերազանցել է սպասելիքները:

Պարբերականը նկատում է, որ մինի մեքենայի միջոցով չինացին ցանկացել է խուսափել տանջալի ու անվերջ խցանումներից: Այժմ իր մինի մեքենայով նա անխոչընդոտ երթևեկում է Շանհայի փողոցներով` գրավելով անցորդների ու վարորդների ուշադրությունը:

Մեքենան ունի 58 սմ  երկարություն, 33սմ լայնություն և 37 սմ  բարձրություն: