Facebook-ը հրաժարվել է Bing որոնողական համակարգից

Աշխարհի խոշորագույն Facebook սոցկայքն այլևս չի օգտագործելու Microsoft ընկերության Bing որոնողական համակարգը, հայտնում է gazeta.ru-ն։

Աղբյուրը մանրամասնում է, որ նման որոշման պատճառն այն է, որ Facebook-ն արդիականացրել է սեփական որոնողական համակարգը:

Ընկերության ներկայացուցիչը նշել է, որ սոցկայքի որոնողական համակարգը դեռևս չի իրականացնելու իրեն հատուկ գործառույթները, քանի որ դրա առաջնային խնդիրն է օգնել օգտատերերին Facebook-ում որոնում իրականացնելիս:

Միևնույն ժամանակ, նա ընդգծել է, որ ընկերությունը կշարունակի համագործակցությունը Microsoft-ի հետ այլ ոլորտներում: