Ռուսական ընկերությունը ստեղծել է iPhone 6-ի կլոնը (լուսանկարներ)

Ռուսական «Ալկոտել» ընկերությունը թողարկել է teXet iX-maxi սմարթֆոնը, որն իր դիզայնով նման է ամերիկյան Apple ընկերության iPhone 6 սմարթֆոնին:

Ինչպես հայտնում է lenta.ru-ն, նոր մոդելն ունի կլորացված անկյուններ, պլաստմասսայե ներդիրներ և ամեն մի մանրուքով նման է մեծ պահանջարկ վայելող iPhone 6-ին:

Սակայն ինչ վերաբերում է դրա տեխնիկական բնութագրին, ապա ռուսական տարբերակն անհամեմատ ավելի թույլ է: Թեև դրա ու iPhone 6-ի էկրանների անկյունագիծը նույնն է, սակայն էկրանի լուծաչափը տարբեր է:

teXet iX-maxi-ն գործում է Android 4.4 օպերացիոն համակարգով և համալրված է քառամիջուկ MT6582 պրոցեսորով: Մոդելը վաճառքում կհայտնվի փետրվարի կեսերին՝ 179 դոլար գնով: