Մեծ Բրիտանիայում այս տարի կփորձեն բեղմնավորել «երեք ծնողով» երեխայի

Բրիտանիայում այս տարի կարող է ծնվել առաջին «երեք ծնողով» երեխան այն բանից հետո, երբ հրապարակվեն  IVF տեխնիկայի վերաբերյալ հետազոտության տվյալները: Գիտնականները հուսով են, որ այն կհամոզի ծնելիության հարցերով զբաղվող կարգավորիչ մարմնին, որ վիճելի IVF տեխնիկան անվտանգ է, գրում է The Independent-ը:

Նյուքասլ համալսարանի գիտնականները մտադրված են հոկտեմբեր ամսին, երբ նոր օրենքը ուժի մեջ կմտնի, դիմել արտոնագրի համար՝ չնայած եկեղեցական խմբերի և արհեստական վիժեցման դեմ դեմ հանդես եկող կազմակերպությունների կողմից դիմադրությանը:

Տեխնիկան ենթադրում է երեք մարդու գենետիկական նյութի ներառում մեկ սաղմի մեջ: Ընդդիմախոսները մտահոգություն են հայտնել տեխնիկայի էթիկական և անվտանգության առնչվող խնդիրների վերաբերյալ: