Panasonic ընկերությունը դադարեցնում է հեռուստացույցների արտադրությունը Չինաստանում

Ճապոնական Panasonic ընկերությունը որոշում է կայացրել դադարեցնել հեռուստացույցների արտադրությունը չինական գործարանում, գրում է kommersant.ru-ն։

Շանդուն նահանգում գտնվող սեփական գործարանում, որտեղ տարեկան պատրաստվում էր մոտ 200.000 միավոր ապրանք, արտադրական գործընթացը դադարեցվել է դեռևս ուրբաթ։

Վենչուրային ընկերությունը, որը ղեկավարում է գործարանը, մոտ ժամանակում կկազմալուծվի, իսկ աշխատակիցները՝ կհեռացվեն։ Դա Panasonic-ի միակ արտադրական համալիրն էր Չինաստանում՝ 2013-ին Շանհայի գործարանը փակելուց հետո։

Հաղորդվում է, որ ընկերությունը քննարկում է նաև Մեքսիկայում տեղակայված գործարանի վաճառքի հնարավորությունը։

Ընկերությունը տարեկան իրացնում է մոտ 7 մլն հեռուստացույց, սակայն վերջին տարիներին այդ բիզնեսը սկսել է վնասներ կրել՝ պահանջարկի կտրուկ նվազման պատճառով։