Շուտով հասանելի կլինի Ubuntu օպերացիոն համակարգով գործող առաջին սմարթֆոնը (լուսանկարներ)

Ubuntu օպերացիոն համակարգը մշակած Canonical ընկերությունը հայտնել է, որ շուտով հասանելի կլինի Linux-ով աշխատող աշխարհում առաջին սմարթֆոնը, գրում է CNews-ը:

Բջջայինը ստացել է Aquaris E4.5 Ubuntu Edition անվանումը: Այն ունի 960х540 պիքսել լուծաչափով 4,5 դյույմանոց էկրան:

Համալրված է 1,3ԳՀց հզորությամբ MediaTek ընկերության քառամիջուկ պրոցեսորով, ունի 1ԳԲ օպերատիվ և 8ԳԲ ներկառուցված հիշողություն:

Այն ունի լուսադիոդային լուսավորմամբ և ավտոֆոկուսով Full HD հիմնական տեսախցիկ և առջևի 5 ՄՊ տեսախցիկ:

Նորույթի մեկնարկը նախատեսված էր դեռ 2013-ին, ապա՝ 2014-ին, իսկ այժմ այն խոստանում են այս տարի՝ 2015: Ubuntu բջջայինի գինը 169,9 եվրո է: