Բլագովեշչենսկում հայկական եկեղեցի կկառուցվի
ՌԴ Բլագովեշչենսկ քաղաքում մտադիր են Գրիգոր Լուսավորիչ հայկական եկեղեցի կառուցել։ Բլագովեշչենսկի և Տինդինսկի շրջանի եպիսկոպոս Լուկիանն արդեն հանդիպել է հայկական սփյուռքի ներկայացուցիչների հետ, գրում է gtrkamur.ru կայքը։
Եկեղեցու շինարարությունը նվիրված է Հայոց ցեղասպանության 100-ամյակին։ Ամուրի մարզի եպիսկոպոսարանի ներկայացուցիչները համաձայնել են աջակցել հայկական սփյուռքին։ Հանդիպմանը ներկա է եղել հայր Աշոտը, ով Վլադիվոստոկի հայկական եկեղեցու հոգևոր սպասավորն է։
Եկեղեցու կառուցման վայրը պետք է որոշվի այս շաբաթ։
«Եկեղեցու շինարարության հարցը վաղուց է բարձրացվել, սակայն այսօր նահանգապետը որոշել է լուծել այդ հարցը։ Հայկական հոգևոր համայնքին հողատարածք կհատկացվի, որտեղ կկառուցվի վանքը, կտեղադրվի խաչքար»,- ասել է եպիսկոպոս Լուկիանը։










