Հունաստանի վարչապետ Ալեքսիս Ցիպրասն ապրիլի 8-ին կայցելի Ռուսաստան

15:41 • 17.03.15

Հունաստանի վարչապետ Ալեքսիս Ցիպրասն ապրիլի 8-ին կայցելի Ռուսաստան, այդ մասին հայտնել է հունական կառավարության մամուլի ծառայությունը, գրում է ՏԱՍՍ գործակալությունը:

 

Հունաստանի նախարարների կաբինետի ղեկավարի այցը Կրեմլ կկայանա Ռուսաստանի նախագահ Վլադիմիր Պուտինի հրավերով:

 

Փետրվարի 5-ին Աթենքի տեղեկատվական գործակալությունը հայտնել էր, որ Ցիպրասը մտադիր է այցելել Մոսկվա՝ Մայիսի 9-ի տոնակատարություններին մասնակցելու:

 

«Ռուսաստանի նախագահ Վլադիմիր Պուտինը հրավիրել է վարչապետ Ցիպրասին մայիսի 9-ին Մոսկվա այցելել՝ ֆաշիզմի դեմ պայքարի հաղթանակին նվիրված միջոցառումներին մասնակցելու»,- նշել է գործակալությունը: