Հայոց ցեղասպանության մասին պատմվածքը լավագույնն է ճանաչվել Amazon-ում (լուսանկար)

Ամերիկաբնակ գրող Ալին Օհանեսյանի «Օրհանի ժառանգությունը» (Orhan’s Inheritance) պատմվածքը, որը գրված է Հայոց ցեղասպանության թեմայով, Amazon առցանց խանութում ճանաչվել է ապրիլ ամսվա լավագույն գիրք:

Ինչպես նշում է armenianweekly.com-ը, բացի այդ՝ «Օրհանի ժառանգությունը» լավագույնն է ճանաչվել  գրավաճառների անկախ ընկերակցության կողմից:

Աղբյուրը հավելում է, որ Օհանեսյանի ստեղծագործությանն արդեն անդրադարձել են New York Times Book Review-ն, Elle-ը, Entertainment Weekly-ն, National Public Radio-ն:

Նշվում է, որ հեղինակն այս պատմվածքը գրել է 6 տարում: Նա անգամ այցելել է Արևմտյան Հայաստանում գտնվող Սեբաստիա, որտեղ տեղի են ունենում գրքում նկարագրված իրադարձությունները:

armenianweekly.com-ի բնորոշմամբ՝ «Օրհանի ժառանգությունը» պատմում է կրքոտ սիրո, աննկարագրելի սարսափների, զրկանքներից հետո արագ վերականգնվելու ու մի ընտանիքի տարբեր սերունդներին հետապնդող մութ անցյալի մասին:

Հայտնի է, որ գիրքը հրատարակվելու է ապրիլի 7-ին:

Գրողը՝