Չինացի մագնատը 14.000.000 դոլար է ծախսել հին ծաղկամանի համար

Չինացի մագնատ Լյու Իցյանը 14.17 մլն դոլար է ծախսել Հոնկոնգում հին ծաղկամանի գնման համար։ Նախկինում Լյուն ևս մի քանի բացառիկ և թանկարժեք արվեստի գործ է գնել, գրում է Лента-ն։

Հարավային Սուն տոհմի ժամանակաշրջանի 20 սմ-անոց ծաղկամանը, որը ներկված է կապույտ և մոխրագույն երանգներով, կայսերական պալատի հավաքածուի մի մասն է։

Աճուրդի ներկայացուցիչները նշում են, որ նման բարձր գինը պայմանավորված է շուկայի տատանումներով և չինական հնագույն իրերի կայուն պահանջարկով։

Նախկինում տաքսու վարորդ Լյու Իցյանը, ով այժմ զբաղեցնում է Sunline Group ներդրումային ընկերության նախագահի պաշտոնը, ակտիվորեն որոնում և գնում է արվեստի գործեր ամբողջ աշխարհից։

Շանհայում իր թանգարանը հիմնած Լյու Իցյանն ընդգծում է, որ իր առաքելությունն է համարում չինական հին գործերը Չինաստան վերադարձնելը։