Դենիել Ռեդքլիֆին առաջարկել են խաղալ GTA տեսախաղի ստեղծողի դերը

BBC ընկերությունը դերասան Դենիել Ռեդքլիֆին առաջարկել է Grand Theft Auto (GTA) քրեական տեսախաղի ստեղծման մասին ֆիլմում կատարել գլխավոր դերը, գրում է The Hollywood Reporter-ը:

Ռեդքլիֆը կխաղա Սեմ Հաուզերի դերը, ով համակարգչային խաղը մշակող Rockstar ստուդիայի հիմնադիրներից մեկն է:

Ֆիլմի սցենարը հիմնված է լինելու իրական դեպքերի վրա և պատմելու է Հաուզերի և փաստաբան Ջեք Թոմսոնի միջև վեճի մասին:

Նկարահանումները ղեկավարելու է ռեժիսոր Օուեն Հարիսը: Նշվում է, որ ֆիլմի նկարահանումները նախատեսված է սկսել ապրիլի 20-ին: