Բոլիվուդի աստղը մեղավոր է ճանաչվել անօթևանի մահվան համար

Հնդկաստանում դատարանը Բոլիվուդի աստղ Սալման Խանին մեղավոր է ճանաչել անօթևան մարդու մահվան համար, ով մահացել է Մումբայում 2002 թվականի սեպտեմբերին՝ ընկնելով դերասանի մեքենայի տակ, հաղորդում է BBC-ի ռուսական ծառայությունը:

Դատավորը վճռել է, որ դերասանը եղել է ավտոմեքենայի ղեկին և ավտովթարի պահին անսթափ վիճակում է եղել:

Խանը պնդել է, որ ավտոմեքենան վարել է իր վարորդը:

Դատավճիռը դեռ չի հրապարակվել: Դերասանին սպառնում է մինչև 10 տարվա ազատազրկում:
Ինչպես սպասվում է՝ Խանը կբողոքարկի վճիռը, ինչը կարող է գործը ձգձգել ևս մի քանի տարով:

Սալման Խանը Բոլիվուդի ամենահայտնի դերասաններից է, ով նկարահանվել է ավելի քան 80 ֆիլմում: