ԱՄՆ-ում ու Եվրոպայում վաճառքի են հանվել «Աստղային պատերազմներին» նվիրված ուգգիները (լուսանկարներ)

Ամերիկյան UGG ընկերությունը ներկայացրել է Star Wars X Ugg կոշիկի նոր հավաքածուն, որը նվիրված է ռեժիսոր Ջորջ Լուկասի հանրահայտ «Աստղային պատերազմներ» կինոսագային:

Ինչպես նշում է lenta.ru-ն, վաճառքի են հանվել Դարթ Վեյդերի ուգգիները:

Հավաքածուում ներառված է կոշիկի 8 մոդել` 2 կանացի, 3 տղամարդու, 2 մանկական և 1 նմուշ` նախատեսված նորածինների համար:

Բոլոր ուգգիները կարված են սև կաշվից, որոնցից ամեն մեկի վրա կա կարմիր կետիկ: Կոշիկի մի զույգի գինը տատանվում է 100-225 դոլարի սահմաններում:

Աղբյուրը մանրամասնում է, որ մոտ ժամանակներս վաճառքի կհանվեն նաև սիրված ֆիլմաշարի մյուս հերոսներին նվիրված ուգգիները: