Սանկտ Պետերբուրգում հայտնվել է Պետրոս 1-ինի արձանը՝ սմարթֆոնը և ճամպրուկը ձեռքին (լուսանկարներ)

Սանկտ Պետերբուրգի «Պուլկովո» օդանավակայանում հայտնվել է ռուս կայսր Պետրոս 1-ինի քանդակը՝ ժամանակակից ավիաուղևորի կերպարով, գրում է РИА Новости-ն։

Ժամանակակից արվեստի նոր օբյեկտը տեղադրվել է ներքին չվերթների գոտում։

«Կերպարը, կարծես, քարացել է շարժման մեջ ուղևորների հոսքում, ովքեր զբոսնում են խանութների և սրճարանների շուրջ։ Պետրոս 1-ինի ավանդական ճանաչելի կերպարը լրացված է ժամանակակից ճանապարհորդողների իրերով՝ փոքր ճամպրուկով և սմարթֆոնով»,- ասվում է օդանավակայանի հայտարարությունում։

Քանդակը հատուկ ստեղծվել է «Պուլկովոյի» համար ռուս քանդակագործ Միխայիլ Դրոնովի կողմից։ Արձանի բարձրությունը 2.20մ է։

«Բրոնզե Պետրոս 1-ինի հայտնվելը նվեր է մեր ուղևորներին և Պետերբուրգին։ Մենք ձգտել ենք ներկայացնել օդանավակայանում քաղաքի ոգին, նրա խորհրդանիշը և, միևնույն ժամանակ, ներդաշնակորեն ներդնել արվեստի նոր գործ թարմացված օդանավակայանի ժամանակակից ինտերիերում։ Դժվար է գտնել մեկ այլ ավելի հայտնի բան քաղաքի պատմության համար, քան նրա հիմնադրի կերպարը»,- ասվում է հաղորդագրությունում։