Եղանակն՝ այսօր
Գտնվել է Անդերսենի՝ նախկինում անհայտ ձեռագիրը
Դանիացի հայտնի հեքիաթագիր Հանս Քրիստիան Անդերսենի՝ նախկինում անհայտ ձեռագիրը (1861) գտնվել է երկրի հարավային Լոլան կղզու Կնուտենբորգ ամրոցում, գրում է ՏԱՍՍ գործակալությունը։
Խոսքը «Փսիխեա» հեքիաթի առաջին սևագրության մասին է, որում կան հեղինակի ուղղումները և ավելացումները։
Օդենսում Անդերսենի թանգարանից գրողի կյանքի և ստեղծագործության առաջատար փորձագետ Էյնար Սթիգ Ասկգորը գտածոն «սենսացիոն» է անվանել։
Մեկ այլ մասնագետ՝ Յոհանես Ներեգոր Ֆրանդսենը, նշել է, որ հայտնաբերված ձեռագիրը «դանիական և համաշխարհային մշակութային ձեռքբերման անբաժանելի մասն է»։ Հեղինակի կողմից արված ուղղումները վերածում են այն առավել թանկարժեք գտածոյի, նշել է նա։
Ձեռագիրը հայտնաբերվել է ամրոցի ներկայիս տիրոջ՝ Քրիստոֆեր Կնուտի կողմից, ով սկսել է կարգի բերել 2013-ին մահացած իր հոր արխիվը։
Ասկգորը բացատրել է, որ Անդերսենը կապեր է պահել Կնուտի ընտանիքի հետ և, հավանաբար, նվիրել է ձեռագիրը։ Սակայն ինչպես է այն հայտնվել ամրոցում՝ դեռևս հայտնի չէ։
Studio One