Պուտինի և Զելենսկու հանդիպումը պարտադիր չէ ուկրաինական կարգավորման համար․ Թրամփ

ԱՄՆ նախագահ Դոնալդ Թրամփը կարծում է, որ Ռուսաստանի առաջնորդ Վլադիմիր Պուտինի և Վլադիմիր Զելենսկու միջև հանդիպումը պարտադիր չէ Ուկրաինայի հարցում կարգավորման հասնելու համար։

«Նրանք պարտադիր չէ, որ նույն սենյակում լինեն։ Կարծում եմ՝ նրանք կարող են դա անել այլ կերպ», - ասել է Թրամփը Սպիտակ տանը՝ պատասխանելով լրագրողի հարցին, թե արդյոք նա կարծում է, որ Պուտինը և Զելենսկին պետք է անձամբ հանդիպեն և համաձայնագիր ստորագրեն՝ համաձայնության հասնելու համար։

Պուտինը նախկինում բազմիցս հայտարարել է, որ Զելենսկին կարող է գալ Մոսկվա, եթե բաց լինի երկխոսության համար։ Պուտինի մամուլի քարտուղար Դմիտրի Պեսկովը նույնպես նշել է, որ Ռուսաստանի դիրքորոշումը Պուտինի և Զելենսկու միջև հանդիպման հնարավորության վերաբերյալ հայտնի է։ Նա կարող է գալ Ռուսաստանի մայրաքաղաք, եթե ցանկանա, անվտանգության երաշխիքներ կտրամադրվեն, և Զելենսկին լավ գիտակցում է, թե ինչ որոշումներ պետք է կայացվեն։