Արվեստագետը, օգտագործելով գործարանից դուրս եկող ծուխը, ցուցադրել է օդի աղտոտվածության վտանգները (լուսանկարներ, տեսանյութ)

Չինացի արվեստագետ Սյաո Ժուն օդի աղտոտվածության վտանգները ցույց տալու համար օգտագործել է գործարանից դուրս եկող ծուխը, գրում է Design Boom-ը։

Նա լուսարձակների օգնությամբ գործարանից դուրս եկող ծխի ամպի վրա ցուցադրել է շնչահեղձ եղող, լացող և տհաճության զգացողություն արտահայտող երեխաների դեմքերի պատկերներ։

Սյաո Ժուին անհանգստացնում է այն փաստը, որ օդի աղտոտվածությամբ պայմանավորված հիվանդությունների հետևանքով տարեկան 500.000 մարդ է մահանում։

Չինաստանի նորանոր գործարաններ հիմնող խոշոր ընկերություններն ուշադրություն չեն դարձնում իրենց աշխատանքի բացասական հետևանքների վրա, այլ միայն կենտրոնանում են որակյալ և բազմաքանակ արտադրանք տալու վրա։

Սյաոն գտնում է, որ այդ խնդիրը կլուծվի միայն այն դեպքում, երբ մարդիկ իրազեկվեն իրենց արարքների հետևանքների մասին։