Քրդերն «Իսլամական պետության» վերահսկողության տակ գտնվող ռազմաբազա են գրավել
Քուրդ զինյալներին հաջողվել է սիրիական Ռաքքա նահանգում ռազմական բազա գրավել, որը վերահսկում էին «Իսլամական պետություն» ծայրահեղական խմբավորման ահաբեկիչները:
Ինչպես տեղեկացնում է РИА Новости գործակալությունը, այդ մասին հայտնել է քրդերի ներկայացուցիչ Ռեդուր Խելիլը:
Հաղորդվում է, որ խոսքը սիրիացի զինծառայողներին պատկանած «Լիվա-93» բազայի մասին է:
«Նրանք (ԻՊ-ի զինյալները) պարտվել են»,-ասել է Խելիլը:
ԻՊ-ը զգալի տարածքներ է գրավել Սիրիայում և Իրաքում: Հետախուզական տվյալների համաձայն՝ մոտ 30 հազար զինյալ ունեցող խմբավորումը գրավված տարածքներում խալիֆայություն է հռչակել:










