Եղանակն՝ այսօր
Ռուսաստանի ԱԳՆ-ն հույս է հայտնել, որ Հայաստանում ցուցարարներն ու իշխանությունները փոխզիջման կհասնեն
19:32 • 24.06.15
Russia Today-ը հաղորդում է, որ Ռուսաստանի արտաքին քաղաքականության գերատեսչությունը հայտարարություն է արել Հայաստանում ստեղծված իրավիճակի վերաբերյալ:
Ըստ այդմ` Ռուսաստանի ԱԳՆ-ն հույս է հայտնել, որ Երևանում ցույցարարները և Հայաստանի իշխանությունները փոխզիջման կհասնեն: Համապատասխան հայտարարությամբ հանդես է եկել Ռուսաստանի փոխարտգործնախարար Գրիգորի Կարասինը:
Նա ասել է, թե կառույցը հետևում է Հայաստանում ստեղծված իրավիճակին, հույս հայտնել, թե ոչինչ դուրս չի գա իրավական դաշտի շրջանակներից: «Ողջամտության, հայ ղեկավարության իմաստնության հույս ունենք», - ասելէ պաշտոնյան:
«Մեր տվյալներով` կարելի է հույս ունենալ, որ ցուցարարների բարձրացրած հարցերի շուրջ փոխզիջումային լուծում ձեռք կբերվի»,-եզրափակել է փոխնախարարը:
Placeholder
Studio One