Հերքում. «Ոչ թալանին» նախաձեռնությունը նոր պահանջներ ներկայացնող հայտարարություն չի տարածել
Էլեկտրաէներգիայի թանկացման դեմ բողոքող «Ոչ թալանին» շարժման անդամներ Վաղինակ Շուշանյանն ու Մաքսիմ Սարգսյանը «Արմենպրես»-ի հետ զրույցում նշել են, որ երեք կետերը` որպես շարժման նոր պահանջներ ներկայացնող հայտարարությունը սուտ է, իրենք նման հայտարարություն չեն տարածել ու չեն ճանաչում այն տարածող անձին:
Հիշեցնենք, որ լրատվամիջոցներին «Ոչ թալանին» նախաձեռնության անունից տարածված «հայտարարության» մեջ ասված էր.
1. Վերանայել և չեղյալ հայտարարել ՀԾԿՀ-ի կողմից ապօրինի կայացրած հոսանքի սակագնի որոշումը:
2. Վերանայել անցած տարվա սակագինը նվազեցման նպատակով:
3. Պատժել բոլոր այն կարգազանց ոստիկաններին, ովքեր անօրինական կերպով հունիսի 23-ի առավոտյան, Բաղրամյան պողոտայում ծեծի ենթարկեցին խաղաղ ցուցարարներին: Ինչպես նաև պատժել նրանց անօրինական հրաման տվողներին:










