Մոսկվայում Porsche 911-ը վթարի հետևանքով 2 մասի է կիսվել, վարորդն ու նրա կինը տեղում մահացել են (տեսանյութ)
Մոսկվայի կենտրոնում շաբաթ առավոտյան տեղի ունեցած սարսափելի ՃՏՊ-ն հայտնվել է մի քանի տեսախցիկների կադրերում, գրում է ntv.ru-ն:
Շաբաթ առավոտյան Ռուսաստանի մայրաքաղաքի կենտրոնում մեծ արագությամբ ընթացող Porsche 911-ն բախվել է սյանը: Ուժեղ հարվածից մեքենան երկու մասի է կիսվել: Վարորդն ու ուղևորը տեղում մահացել են: Մեքենայի ղեկին եղել է Իրկուտսկի շրջանի նախկին նահանգապետի որդի Իգոր Եսիպովսկին:
Տեսագրության մեջ երևում է, թե ինչպես են մեքենայի մասերը սյանը բախվելուց հետո դուրս թռչում ճանապարհ՝ մի քանի մետր հեռավորության վրա:
Տեսախցիկը նաև նկարահանել է, թե ինչպես է ավտոմեքենայի ներսում գտնվող ուղևորը դուրս թռչում հանդիպակաց գիծ:
Մոսկվայում վթարի ժամանակ ուժեղ անձրև է տեղալիս եղել:










