Նեպալում նշել են շներին նվիրված տոնը (լուսանկարներ,տեսանյութ)
Այս շաբաթ բոլորի ուշադրության կենտրոնում էր Չինաստանում անցկացվող շան մսի փառատոնը, որի ժամանակ կենդանիներին դաժանորեն առևանգում էին փողոցներից և իրենց տերերից, ապա տանում սպանդանոց և տարբեր ուտեստներ պատրաստում նրանց մսից։
Չնայած դրան, աշխարհի մեկ այլ հատվածում՝ Նեպալում անցկացվել է շներին նվիրված Կուկուր Դիհար տոնը, որի ժամանակ շներին շոյում են, լավ սնունդ են տալիս, փառաբանում են, ներկում են նրանց գունավոր ներկերով և որպես հարգանքի նշան՝ ծաղիկներից վզնոցներ են կախում նրանց պարանոցներից։
Նեպալում բնակիչների մեծամասնությունը հինդուիզմ են դավանում և նշում են լույսերի փառատոնը, իսկ Կուկուր Դիհարը փառատոնի մի մասն է։
Տոնի ժամանակ բոլորը գնահատում և սիրում են իրենց սիրելի ընտանի կենդանիներին։
Տոնը նաև արձագանք է ունեցել սոցիալական ցանցերում, որտեղ աշխարհի տարբեր երկրներում մարդիկ իրենց սիրելի շների ճակատը ներկում են կարմիր ներկով և ներբեռնում լուսանկարն իրենց էջ։
Լուսանկարների շարքը ներկայացրել է Life Buzz-ը։






























