«Ալ-Կաիդան» մեղադրել է «Իսլամական պետությանը» մուսուլմանների հանդեպ դաժանության համար

11:46 • 29.06.15

«Ալ-Կաիդա» ահաբեկչական խմբավորումը մեղադրել է իր մրցակիցներին՝ «Իսլամական պետություն» ահաբեկչական խմբավորմանը՝ մուսուլմանների հանդեպ դաժանության համար, գրում է Комсомольская правда-ն։

 

Հիշեցնենք, որ Թունիսում իրականացված խոշոր ահաբեկչության պատասխանատվությունը, որը խլել է մոտ 40 մարդու կյանք, ստանձնել է «Իսլամական պետություն» խմբավորումը։

 

«Իմ սիրելի եղբայրներ, այն դեպքում, երբ ոչ ոք չի կարող հերքել «Իսլամական պետության» զգալի ուժը և հզորությունը ռազմական գործում, հանցագործությունները, որոնք նրանք իրականացնում են ընդդեմ մուսուլմանների, չեն կարող անտեսվել կամ մոռացվել ժամանակի ընթացքում, քանի որ իսլամում չկա վաղեմության ժամկետ»,- ասել է «Ալ-Կաիդա» կազմակերպության բարձրաստիճան անդամ Ադամ Գադանը։

 

Նա նշել է, որ ցանկացած տեսակի ճնշում սխալ է, իսկ մեղավորներին «Դատաստանի օրը խավար է սպասվում»։