Դեպարդյոյին նահանգապետի պաշտոն են առաջարկել Ռուսաստանում

00:37 • 30.06.15

Ֆրանսիացի անվանի դերասան Ժերար Դեպարդյոյին առաջարկել են դառնալ Ռուսաստանի Օմսկի երկրամասի նահանգապետը:

«Գազետա»-ի փոխանցմամբ`  շրջանային կուսակցություններից մեկից Դեպարդյոյին համապատասխան նամակ է հղել, որում նրան առաջարկվում է իր թեկնածությունն առաջարկել Օմսկի նահանգապետի պաշտոնի համար: Նամակում ասված է, որ ավելի «արժանապատիվ թեկնածություն» հնարավոր չէ գտնել: Ռուսաստանցի գործիչները կարծում են, որ ֆրանսիացի դերասանը բավականաչափ փորձառություն, գիտելիք ու հեղինակություն ունի` առաջարկված պաշտոնը զբաղեցնելուհամար:

Նշվել է նաև, որ Դեպարդյոյի պես մարդու այցը Օմսկ «հաճելի կլինի տեղացիներին»:

Դեպարդյոն Ռուսաստանի քաղաքացի էր դարձել 2013-ին` Ֆրանսիայի հարկային համակարգի հետ ունեցած իր խնդիրների ֆոնին:

Դեպարդյոյի պատասխանն առայժմ հայտնի չէ: Օմսկի նահանգապետի ընտրությունները սեպտեմբերի 13-ին են: