Թուրքիայում հարձակում է իրականացվել Ազգային հետախուզության շենքի վրա
Թուրքիայի հարավ-արևելքում գտնվող Հաքքարի նահանգում անհայտ անձինք հարձակվել են Ազգային հետախուզական գործակալության տարածաշրջանային բաժնի վրա:
Ինչպես տեղեկացնում է Sabah օրաթերթի կայքը, միջադեպի հետևանքով տուժածներ չկան:
Ազգային հետախուզական գործակալության շենքը, սակայն, էական վնաս է կրել:
Այլ մանրամասներ չեն հաղորդվում:
Հիշեցնենք, որ Թուրքիայի Սուրուչ բնակավայրում տեղի ունեցած ահաբեկչությունից հետո Թուրքիայում իրավիճակը սրվել է, իսկ Իրաքի և Սիրիայի տարածքում քրդական բազաների դեմ ուղղված հարձակումներից հետո՝ Քուրդիստանի աշխատավորական կուսակցությունը՝ PKK-ն, նմանատիպ բազմաթիվ հարձակումներ է իրականացրել:










