Արաբական երկրները և Թուրքիան չեն դավաճանի Ռուսաստանին. Կադիրով

13:01 • 31.07.15

Լուսանկարը՝ Սաիդ Ցարնաև, РИА Новости


Չեչնիայի Հանրապետության ղեկավար Ռամզան Կադիրովը պատմել է, թե որ երկրների հետ Ռուսաստանն ու նրա կազմի մեջ մտնող Չեչնիան ունեն առավել լավ հարաբերություններ, փոխանցում է Газета-ն։

 

Կադիրովի խոսքով՝ Չեչնիան շատ չի տուժել արևմտյան պատժամիջոցներից, քանի որ Եվրոպայի հետ չեչենական բիզնեսը քիչ ընդհանուր նախագծեր ունի։

 

«Մենք նախընտրում ենք արաբական երկրները, Թուրքիան, որոնք չեն դավաճանել և չեն դավաճանի մեզ, Ռուսաստանին»,- նշել է Կադիրովը։

 

Նրա կարծիքով՝ ռուսական շրջաններին անհրաժեշտ է զարգացնել հարաբերությունները հենց այդ երկրների հետ։