Թուրքական ինքնաթիռը վթարային վայրէջք է կատարել Վարշավայում

09:16 • 31.07.15

«Թուրքական ավիաուղիներ» ավիաընկերությանը պատկանող ինքնաթիռը վթարային վայրէջք է կատարել Վարշավայում Ֆրեդերիկ Շոպենի անվան օդանավակայանում:

 

Ինչպես տեղեկացնում է РИА Новости գործակալությունը, ինքնաթիռի բոլոր ուղևորները տարհանվել են:

 

Սան Ֆրանցիսկոյից Ստամբուլ ուղևորվող ինքնաթիռը լեհական մայրաքաղաքում վայրէջք էր կատարել ինքնաթիռում կասկածելի իրի հայտնվելու պատճառով:

 

«Վարշավայի օդանավակայանի ծառայություն ինքնաթիռից 360 մարդ է տարհանել: Բոլոր ուղևորները տեղափոխվել են օդանավակայանի շենք: Ինքնաթիռը ստուգվել է»,- հայտնել են օդանավակայանից: