«Թուրքական ավիաուղիների» ինքնաթիռում ռումբի առկայության մասին գրություն է հայտնաբերվել

09:08 • 05.08.15

Թուրքական Turkish Airlines ավիաընկերության Ստամբուլ-Գազիանթեպ (Այնթապ) չվերթը հետաձգվել է պայթյունի վտանգի պատճառով։ Ինչպես հայտնում է տեղական հեռուստաընկերությունը՝ ուղևորատար օդանավը տեղափոխվել է անվտանգ գոտի, որտեղ զննում է իրականացվում։

 

Նախաթռիչքային պատրաստությունների ժամանակ բորտուղեկցորդները նստատեղերից մեկի տակ գրություն են հայտնաբերել, որում ասվում է ինքնաթիռում ռումբի հնարավոր առկայության մասին։ Այդ մասին անմիջապես հաղորդվել է ոստիկանությանը։

 

Այժմ մասնագետներն ուսումնասիրում են օդանավը, փոխանցում է ՏԱՍՍ գործակալությունը։