Ղրղըզստանը պաշտոնապես դարձավ ԵՏՄ անդամ

21:31 • 06.08.15

Ղրղըզստանը պաշտոնապես դարձել է Եվրասիական տնտեսական միության (ԵՏՄ) լիիրավ անդամը:  Համապատասխան հաղորդագրությունը օգոստոսի 6-ին տարածել է Եվրասիական տնտեսական հանձնաժողովը:


Ինչպես նկատում է France Presse գործակալությունը` Բիշքեկը դեռևս դեկտեմբերին ստորագրել էր ԵՏՄ-ին միանալու մասին պայմանագիրը, որը հանդիսանում է ՌԴ նախագահ Վլադիմիր Պուտինի կարևորագույն նախաձեռնություններից մեկը:


ԵՏՄ ստեղծման մասին պայմանագիրը ուժի մեջ է մտել 2015-ի սկզբին: Միությունը կոչված է ուժեղացնելու համագործակցությունը անդամ երկրների միջև: Ղրղըզստանը դարձավ հինգերորդ պաշտոնական անդամը` միանալով Հայաստանին, Ղազախստանին, Բելառուսին և Ռուսաստանին: