Մոսկովյան սրճարանում կովկասցիների մասնակցությամբ ծեծկռտուք է տեղի ունեցել, կա տուժած
Լուսանկարը՝ mosday.ru-ի
Մոսկովյան սրճարաններից մեկում հինգշաբթի երեկոյան վեճ է տեղի ունեցել հաստատության ղեկավարության և մի խումբ կովկասցիների միջև, հայտնում է Интерфакс-ը՝ հղում անելով իրավապահ մարմինների աղբյուրին։
Վեճից հետո ձերբակալվել է 8 մարդ, մասնակիցներից մեկը ստացել է հրազենային վնասվածք։ Աղբյուրը նշում է, որ, ամենայն հավանականությամբ, կռիվը սկսվել է նախկինում ծագած վեճից։
«Դեպքի վայր ժամանած ոստիկանները պարզել են, որ քաղաքացիների միջև տեղի է ունեցել վեճ, որը վերաճել է ծեծկռտուքի։ Տղամարդկանցից մեկին հասցվել է հրազենային վնասվածք ոտքի շրջանում։ Դեպքի վայր են կանչվել բժիշկները։ Տաք հետքերով ոստիկանության աշխատակիցները ձերբակալել են 8 մարդու»,- ասվում է ոստիկանության մամուլի ծառայության հայտարարությունում։
Հարուցվել է քրեական գործ։










