Նորվեգական կղզում կրկին բացվել է ճամբարը, որտեղ Բրեյվիկը մոտ 70 մարդ էր սպանել
Լուսանկարը՝ beta.trtworld.com-ի
Նորվեգական Ուտոյա կղզում, որտեղ 2011-ին Անդերս Բրեյվիկը 69 մարդու էր սպանել, ողբերգությունից հետո առաջին անգամ վերաբացվել է երիտասարդական վրանային ճամբարը, հայտնում է BBC-ն։
Երեք օր շարունակ երիտասարդ ձախակողմյան ակտիվիստները կապրեն վրաններում և կմասնակցեն քաղաքական քննարկումների, այդ թվում՝ ծայրահեղականության դեմ պայքարի խնդրի մասին։
2011թ. հուլիսի 22-ին Բրեյվիկը պայթյուն էր իրականացրել Օսլոյի կենտրոնում, ինչի հետևանքով զոհվել էր 8 մարդ։ Այնուհետ նա գնացել էր Ուտոյա կղզի, որտեղ տեղակայված է երիտասարդական ճամբարը, և կրակահերթ բացել։ Կղզում նրա զոհն էր դարձել 69 մարդ, հիմնականում՝ դեռահասներ։
Բրեյվիկը դատապարտվել է 21 տարվա ազատազրկման։ Այս տարվա հունիսին նա ընդունվել է Օսլոյի համալսարան։










