Ռուսական լրատվամիջոցները հայտնել են պատժամիջոցների տակ հայտնված մթերքների ոչնչացման տոկոսը (լուսանկարներ)

13:17 • 07.08.15

2015 թվականի սկզբից ՌԴ-ի անասնաբուժության և ֆիտոսանիտարիայի ոլորտում հսկողություն իրականացնող «Ռոսսելխոզնադզոր» դաշնային ծառայությունը կարողացել է հայտնաբերել Ղազախստանի և Բելառուսի սահմաններով Ռուսաստան ներկրվող արգելված մթերքների միայն 20 տոկոսը, գրում է Известия-ն:

 

Ընդհանուր առմամբ, իրականացվել է պատժամիջոցների տակ հայտնված մթերքների ներմուծման 283 փորձ:

 

Նշվում է, որ ստացվում է կանգնեցնել Եվրասիական տնտեսական միության մաքսային միության երկրներից ներմուծվող մաքսանենգ ապրանքի միայն փոքր մասնաբաժինը: Այդ պետությունների հետ վարչական սահմաններին չկա մաքսային հսկողություն, ստուգումներ անցկացնում են միայն «Ռոսսելխոզնադզոր»-ի անցակետերը, որոնք այնքան էլ շատ չեն. վեցը՝ Բելառուսի հետ սահմանին, 35-ը՝ Ղազախստանի: Այդ առնչությամբ «Ռոսսելխոզնադզոր»-ը քննարկում է ստուգման կետերի ավելացման հարցը։

 

2015 թվականի սկզբից «Ռոսսելխոզնադզոր»-ի աշխատակիցները ստուգել են 576 հազար տոննա ընդհանուր քաշով մթերքի 66 հազար խմբաքանակ, որից արգելվել է ներմուծել ընդհանուր 3,5 հազար տոննա քաշով 283 խմբաքանակ։

 

Համաձայն ՌԴ նախագահի 2015-ի հուլիսի 29-ի հրամանագրի՝ այն ապրանքները, որոնք կեղծ հավաստագրերով ներմուծվել են Եվրամիությունից՝ ենթակա են ոչնչացման։ 

 

 

Уничтожение санкционной продукции в Оренбурге - фото 2 из 6

 

Уничтожение санкционной продукции в Оренбурге - фото 6 из 6Уничтожение санкционной продукции в Оренбурге - фото 5 из 6