Բանգլադեշում այս տարվա սկզբից արդեն չորրորդ բլոգերն է սպանվել
Բանգլադեշի մայրաքաղաք Դաքքայում անհայտ անձինք՝ զինված մեծ թրերով, սպանել են բլոգեր Նիլոյ Նիլին, ով հանդես էր գալիս իսլամիզմի և արմատականության դեմ, գրում է BBC News-ը։
Բլոգերի վրա հարձակումը տեղի է ունեցել քաղաքի հարավում գտնվող իր տանը։
Հարձակվողները երկար ժամանակ հետևել են բլոգերի գործունեությանը, հայտնել են տեղի ակտիվիստական կազմակերպությունից։
Նա հիմնականում հանդես էր գալիս արմատականության գաղափարների դեմ և բարձրաձայնում էր փոքրամասնությունների իրավունքների մասին։
Ոստիկանությունից հայտնել են, որ 6 հոգուց բաղկացած խումբը ներխուժել է նրա բնակարան և դաժանաբար սպանել նրան, որն արդեն չորրորդ նմանատիպ դեպքն է այս տարվա սկզբից։











