Անկարայում ադրբեջանցի զինյալ է ձերբակալվել
Անկարայում ձերբակալվել է 49-ամյա ադրբեջանցի Բաքիր Գալիբովը, որը մտադրվել էր միանալ Սիրիայում կռվող զինյալներին:
Ինչպես տեղեկացնում է ադրբեջանական Trend գործակալությունը, Գալիբովը ձերբակալվել է Թուրքիայի մայրաքաղաքի Էսենբողա օդանավակայանում:
Այսօր նա արտաքսվելու է երկրից:
Ավելի վաղ Թուրքիան հայտարարել էր ահաբեկչական խմբավորումների դեմ պայքարի շրջանակում աշխարհի 75 երկրներից մոտ 2.000 զինյալների երկրից արտաքսելու մասին:










