Իսպանացուն ձերբակալել են ԻՊ-ի խորհրդանիշներով հագուստ վաճառելու համար

17:42 • 12.08.15

Իսպանիայի ոստիկանությունը ձերբակալել է մի տղամարդու՝ «Իսլամական պետություն» խմբավորման խորհրդանիշներով հագուստ վաճառելու համար։ Վերնաշապիկների վրա պատկերված են եղել բրիտանացի գերիները՝ իրենց մահապատժից վայրկյաններ առաջ, գրում է gazeta.ru-ն:

 

Իսպանիայի քաղաքացին, որի անունը դեռ չի հրապարակվել, ձերբակալվել է հատուկ գործողության ժամանակ՝ Իսպանիայի հյուսիսում գտնվող Նարոն քաղաքում:

 

Նա ԻՊ-ի և այլ իսլամիստական խմբավորումների խորհրդանիշներով հագուստը, այդ թվում՝ և մանկական, վաճառել է իր խանութում, ինչպես նաև՝ համացանցի միջոցով։

 

Իսպանացին մեղադրվում է համացանցով իսլամիստական քարոզչություն տարածելու համար։