Ավտովթար Երասխ գյուղում. կա մեկ զոհ 8 վիրավոր, 2-ի վիճակը ծայրահեղ ծանր է (լուսանկարներ)
Թարմացված
10.53
Այսօր առավոտյան Արարատի մարզի Երասխ գյուղում տեղի է ունեցել ճանապարհատրանսպորտային պատահար` հրդեհի բռնկումով, տեղեկացնում է Առողջապահության նախարարությունը:
Ներկա պահին դեպքի վայրում աշխատում են Արարատի, Արատաշատի և Վեդու բժշկական կենտրոնների շտապօգնության 5 բրիգադ: Արարատի բժշկական կենտրոն են ուղարկվել լրացուցիչ մասնագիտական խմբեր` մասնավորապես վիրաբույժներ Արտաշատի և Վեդու բժշկական կենտրոններից :
Ժամը 10:00-ի դրությամբ ութը վիրավոր տեղափոխվել է Արարատի ԲԿ, մեկը Վեդու ԲԿ: Կա մեկ զոհ: Տուժածներից երկուսի վիճակը գնահատվում է ծայրահեղ ծանր: Բժշկական ցուցումներից ելնելով` ՀՀ առողջապահության նախարարությունը կազմակերպել է նրանցից մեկի տեղափոխումը մայրաքաղաքի մասնագիտացած բժշկական կենտրոն:
Մյուս տուժածներին ցուցաբերվում է անհրաժեշտ բժշկական օգնություն տեղում: Տուժածների վերաբերյալ կտրվի լրացուցիչ տեղեկատվություն:
Տարածքային կառավարման և արտակարգ իրավիճակների նախարարություն օգոստոսի 13-ին՝ ժամը 08.25-ին, ահազանգ է ստացվել, որ Արարատի մարզի Երասխ գյուղում տեղի է ունեցել ՃՏՊ՝ հրդեհի բռնկումով:
Ըստ ՏԿԱԻՆ կայքի՝ դեպքի վայր է մեկնել երեք մարտական հաշվարկ: Նախնական տվյալներով կան մեկ զոհ և հինգ տուժած: Տուժածները տեղափոխվել են Արարատի ԲԿ:
Կտրվի լրացուցիչ տեղեկություն:


՛
Լուսանկարները՝ Shamshyan.com-ի










