Հալեպի Համիդիե շրջանում հայ է վիրավորվել
Սիրիայի տնտեսական մայրաքաղաք Հալեպի Համիդիե շրջանում դեպի համալսարան տանող ավտոբուսի վրա ընկած հրթիռի հետևանքով հայ է վիրավորվել։
Ինչպես տեղեկացնում է Հալեպի «Գանձասար» շաբաթաթերթի ֆեյսբուքյան էջը, վիրավորը Կարպիս Հաբեշյանն է։ Նա տեղափոխվել է հիվանդանոց և, բարեբախտաբար, վիճակը մտահոգիչ չէ։
Հիշեցնենք, որ օրերս Սիրիայի մայրաքաղաք Դամասկոսի Զաբադանի շրջանում շարունակվող բախումների հետևանքով զոհվել է սիրիական բանակի հայ զինծառայող Հաբեթ Մանուկի Աբրիկյանը:
Հալեպի բնակիչների վիճակը վատացնում է նաև օրեր շարունակ ջրի բացակայությունը: Ջրի և էլեկտրաէներգիայի հաճախակի անջատումներն ամռան տապին բնակիչների կյանքն անտանելի են դարձնում:










