Թուրքիայում հարձակումները ոստիկանների ուղղությամբ շարունակվում են
Թուրքական Մերսին նահանգում անհայտ անձը կրակ է բացել ոստիկանների ուղղությամբ, ինչի հետևանքով նրանցից մեկը վիրավորվել է:
Միջադեպը տեղի է ունեցել երեկ գիշեր՝ տեղական ժամանակով 23:15-ին։
Ոստիկանները պատասխան կրակ են բացել, ենթադրվում է, որ կրակողը միայնակ չի գործել։
Ինչպես տեղեկացնում է «Միլլիյեթ» թերթի կայքը, մեկ այլ նմանատիպ հարձակում է եղել նաև Դիյադին շրջանում:
Քուրդ զինյալներն այստեղ ժանդարմերիայի շենքի ուղղությամբ հրթիռներ են նետել: Տուժածներ չկան։










