Թուրքական ինքնաթիռը հարկադիր վայրէջք է կատարել՝ ռումբի մասին ահազանգից հետո

09:48 • 14.08.15

«Թուրքական ավիաուղիներ» ավիաընկերության Օսլո-Ստամբուլ չվերթն իրականացնող ինքնաթիռը հարկադիր վայրէջք է կատարել Աթաթուրքի անվան օդանավակայանում՝  ռումբի առկայության մասին ահազանգի պատճառով:

 

Ինչպես տեղեկացնում է թուրքական «Անադոլու» գործակալությունը, ռումբի առկայության մասին ահազանգը հաղորդվել է հեռախոսով, երբ ինքնաթիռը թռել է Նորվեգիայի մայրաքաղաքից:

 

Օդանավակայանում ինքնաթիռը հատուկ ապահով վայր է տեղափոխվել, և մասնագետները պայթուցիկ սարք են որոնել: Ուղևորները տեղափոխվել են տերմինալ, որտեղ թե՛ նրանք, թե՛ անձնակազմի անդամները ստուգվել են: Ռումբ է որոնվել նաև բոլոր ճամպրուկներում:

 

Որոնումների արդյունքում, սակայն, որևէ կասկածելի սարք չի հայտնաբերվել: