Մոսկվայի բնակչուհին պատրաստ չէ հրաժարվել իր 20 կատուներից՝ հանուն երեխաների վերադարձի

16:20 • 24.08.15

Մոսկվայի բնակչուհին, որի տան հակասանիտարական վիճակի պատճառով նրա երկու երեխաներին հեռացրել են տնից, մտադիր չէ հրաժարվել իր 20 կատուներից՝ հանուն որդիների վերադարձի։

 

Այդ մասին տեղեկացնում է Интерфакс գործակալությունը՝ երեխաների հարցերով ՌԴ նախագահի օգնականի ներկայացուցչին հղումով։

 

«Նա ասում է՝ կատուներին չեմ հանձնի։ Նրանք ինձ համար երեխաների պես են»,- պատմել է պաշտոնյան։

 

Ի դեպ, Instagram-ում արդեն հրապարակվել է լուսանկար, որում երևում է, որ բնակարանում վիճակը բարելավվում է։

 

«Բնակարանում փոփոխությունները զգալի են։ Մենք հետագայում էլ ենք աջակցելու մորը՝ իրավիճակը փոխելու, կյանքում փոփոխություններ անելու և երեխաներին վերադարձնելու հարցում»,- ասված է հաղորդագրության մեջ։

 

Ավելի վաղ հաղորդվել էր, որ Մոսկվայում սոցաշխատողները երկու երեխաների հեռացրել են իրենց տնից, որտեղ սանհանգույցն ու բաղնիքը չեն աշխատել, տանը եղել է 20 կատու և բազմաթիվ միջատներ։