Ավստրալացին նկարահանել է իր հանդիպումն անշարժ կենգուրուների հետ, որը սարսափ ֆիլմի տեսարան է հիշեցրել (տեսանյութ, նկարներ)
Ավստրալիայում հեծանվորդը նկարահանել է այն պահը, երբ նա քշում է իր հեծանիվն անշարժ կենգուրուներով լի դաշտի միջով՝ մինչ կենդանիներն անշարժ հետևում են անցանկալի հյուրին։ Տեսարանն ասես սարսափ ֆիլմ լինի, գրում է The Daily Mail-ը:
Բեն Վեզինան հեծանիվ է քշել Մելբուռնից 23 կիլոմետր հյուսիս-արևելք ընկած վայրում, երբ հանկարծ նկատել է, որ շրջապատված է կենգուրուներով:
Նա խոստովանել է, որ փոքր-ինչ վախեցել է կենգուրուների այդ բազմությունը տեսնելով և փորձել զգուշությամբ անցնել նրանց տարածքով:
Ավստրալիայի Վիկտորիա նահանգում հաճախ կարելի է հանդիպել տեսանյութում երևացող արևելյան մոխրագույն կենգուրուների, որոնք գրեթե միշտ շրջում են մեծ խմբերով:













