ԻՊ-ի գրոհայինները հրապարակել են Պալմիրայում հնագույն տաճարի պայթեցման կադրերը (լուսանկարներ)
Համացանցում հայտնվել են առաջին կադրերը, որոնցում ներկայացված է՝ ինչպես են «Իսլամական պետություն» խմբավորման գրոհայինները պայթեցնում Պալմիրայի հնագույն տաճարը, գրում է ՏԱՍՍ գործակալությունը՝ հղում անելով The Independent թերթի էլեկտրոնային տարբերակին։
Լուսանկարներում ահաբեկիչները պայթուցիկներ են տեղադրում տաճարի պատերի մոտ։ Մյուս կադրերում ցուցադրված են պայթյունը և հետևանքները։
Հիշեցնենք, որ կիրակի ԻՊ-ի գրոհայինները պայթեցրել են Բաալ Շամին հնագույն տաճարը, որը գտնվում է Սիրիայի Պալմիրա քաղաքում։

















