Տաջիկստանում ռուսական ռազմաբազայի 2 զինվորական մեղավոր են ճանաչվել սպանության համար

23:43 • 26.08.15

Տաջիկստանում Ռուսական 201-րդ ռազմաբազայի 2 զինվորական ազատազրկվել է` մեղավոր ճանաչվելով սպանության համար:

ՌԻԱ Նովոստի-ի փոխանցմամբ` ռազմական դատարանի որոշմամբ Ֆյոդր Բասիմով անունով զինվորականը դատապարտվել է 17, իսկ Իլդար Սախալով անունով զինվորականը` 13 տարվա ազատազրկման` խիստ ռեժիմի գաղութում: Նրանք իրենց պատիժը կկրեն Ռուսաստանում:

Դատավարությունը անցել է Դուշանբեում ռազմաբազայի դատարանում. սակայն փակ դռների հետևում:

Նրանք մեղավոր են ճանաչվել անցած տարվա օգոստոսին 45-ամյա տաքսիստին սպանելու համար:

Ազատազրկված ռուսաստանցի զինվորականները համատեղ 1 մլն ռուսական ռուբլու փոխհատուցում կվճարեն զոհի ընտանիքին:

Զինվորականները հանցավոր պայմանավորվածությամբ տաքսիստին սպանել էին այն բանից հետո, երբ չէին կարողացել վերադարձնել նրանից պարտք վերցված 50 հազար ռուբլին: