Վիրջինիայում անհայտ անձն ուղիղ եթերում սպանել է նկարահանող խմբի անդամներին (լուսանկարներ, տեսանյութ)
ԱՄՆ Վիրջինիա նահանգի Մոնետա քաղաքում չորեքշաբթի առավոտյան անհայտ անձը սպանել է ուղիղ եթերում աշխատող երկու հեռուստատեսային լրագրողի, ինչից հետո դիմել է փախուստի, հաղորդում է The Daily Mail-ը:
Անհայտ անձը սպանել է տեղական WDBJ լրատվամիջոցի նկարահանող խմբի երկու անդամներին, երբ նրանք ուղիղ հեռարձակում են իրականացնելիս եղել։
Միջադեպը տեղի է ունեցել առավոտյան 6:45-ին, երբ 27-ամյա օպերատոր Ադամ Վարդը «Բրիջվոթեր պլազայի» մոտ նկարահանել է 24-ամյա լրագրող Էլիսոն Փարքերի հարցազրույցը մի կնոջ հետ:
Հանկարծակի մոտ ութ կրակոց է հնչել, և ճիչեր են լսվել, իսկ տեսախցիկն ընկել է հատակին: Կադրերում այնուհետև երևացել է սև հագուստով մի մարդ՝ հավանաբար ձեռքին ատրճանակով, որն ուղղված է եղել Վարդի ուղղությամբ:
Միջադեպի հետևանքով Վարդը և Փարքերը մահացել են: Ոստիկանությունն ավելի վաղ հաղորդել է, որ միջադեպի հետևանքով երեք վիրավոր է եղել։
«Ցավով հայտնում եմ, որ Էլիսոնը և Ադամը մահացել են այս առավոտյան»,-եթերում ասել է WDBJ-ի գլխավոր տնօրենը։
Տարածքում այժմ մոտ 30-40 ոստիկան որոնողական աշխատանք է իրականացնում:

]











