Թուրքիան կշարունակի վերապատրաստել սիրիական «չափավոր ընդդիմությանը»
Թուրքիան կշարունակի աջակցել սիրիական ընդդիմադիր խմբավորումներին, որոնք պայքար են մղում երկրի նախագահ Բաշար ալ-Ասադի դեմ:
Ինչպես տեղեկացնում է Интерфакс գործակալությունը, այդ մասին հաղորդել է Թուրքիայի արտգործնախարարության մամուլի խոսնակ Թանժու Բիլգիչը:
«Այդ խմբավորումների մարզումները կշարունակվեն առանց ընդհատումների»,-ասել է նա՝ նշելով, որ այդ գործողությունները համապատասխանում են Թուրքիայի և ԱՄՆ-ի միջև կնքված համաձայնագրին:
Համաձայնագիրը նախատեսում է Սիրիայի «չափավոր ընդդիմության» ներկայացուցիչների ուսուցում։










