Վատիկանը կողմ է Հռոմում Մարտին Լյութերի պատվին հրապարակ անվանակոչելուն

09:41 • 28.08.15

Վատիկանում դեմ չեն Հռոմի իշխանությունների՝ քաղաքի կենտրոնական հրապարակներից մեկը գերմանացի աստվածաբան, Բողոքականության համահիմնադիր Մարտին Լյութերի պատվին անվանակոչելու պլաններին, գրում է Корреспондент-ը։

 

«Կաթոլիկները դրական են գնահատում քաղաքապետարանի որոշումը։ Այն համապատասխանում է երկխոսության ձգտմանը, որը սկսվել է էկումենիկ խորհրդի շրջանակում»,- հայտարարել է Սուրբ Աթոռի մամուլի ծառայության փոխղեկավար Չիրո Բենեդետինին։

 

2013-ին լյութերականության և Կաթոլիկ եկեղեցու ներկայացուցիչները փաստաթուղթ են ստորագրել, որն արտահայտում է երկու կողմերի՝ երկխոսությանը հակված լինելու պատրաստակամությունը։

 

Հրապարակը, որը կանվանակոչեն Լյութերի պատվին, ով հեռացվել էր Կաթոլիկ եկեղեցուց նրա հասցեին կտրուկ քննադատության համար, գտնվում է Օփիական բլրի վրա, որտեղից տեսարան է բացվում դեպի Կոլիզեում։