16-րդ դարի իտալական ժայռափոր «հսկան» ամբողջական սենյակներ է թաքցնում ներսում

23:32 • 10.10.15

Boredpanda.com-ը ներկայացրել է Ապենինյան լեռներում քանդակված վիթխարի խորհրդավոր կոթողը:

Ժայռափոր քանդակը 1500-ականներին պատկերել է հանրահայտ իտալացի քանդակագործ Ջամբոլոնյան` այն դարձնելով Իտալիայի խորդուբորդ լեռնալանջերի խորհրդանիշը: Այս կես մարդ, կես-լեռ քանդակը, որն ստացել է Ապենինյան քանդակ անվանումը, վեր է խոյանում 10 մետր բարձրությամբ Տոսկանայում:

Աղբյուրի ներկայացմամբ` ժայռափոր արձանը մի գաղտնիք ունի իր ներսում. հսկա արձանի խորքերում մի քանի սենյակներ են թաքնված, որոնք կյանքի են կոչում քանդակը: Կոթողի ձախ ձեռքից ջուր է հոսում, որը գալիս է ստորգետնյա աղբյուրից: