ԱՄՆ-ն Trident II տեսակի բալիստիկ հրթիռ է փորձարկել

Լուսանկարը՝ AP-ի

ԱՄՆ-ի ռազմածովային ուժերը փորձարկել են Trident II ռազմավարական բալիստիկ հրթիռները: Ինչպես տեղեկացնում է Интерфакс գործակալությունը, երեկ իրականացված փորձարկումը նախապես պլանավորված է եղել. հայտնել է 3-րդ օպերատիվ նավատորմի պաշտոնական ներկայացուցիչ Ռայան Փերին:

Փերին նշել է, որ փորձարկման նպատակը եղել է հրթիռային համակարգի  ստուգումը «Ռազմածովային ուժերի ռազմավարական համակարգերի ծրագրի շրջանակներում»:

Հրթիռի արձակման կոնկրետ ուղղություն չի հաղորդվում:

Ինչպես նշում է The San Diego Union-Tribune-ը, արձակված հրթիռները հնարավոր է եղել տեսնել Կալիֆոռնիա նահանգի Սան Դիեգո քաղաքի երկնքում:

Քանի որ տեղի բնակիչները տեղյակ չեն եղել Ռազմածովային ուժերի ծրագրերի մասին, շաբաթ երեկոյան քաղաքային լրատվամիջոցներն ու իրավապահ մարմինները բազմաթիվ զանգեր են ստացել թռչող գիսաստղի կամ ատոմային ռումբի մասին: