Եղանակն՝ այսօր
Ատոմ Էգոյանի «Հիշիր» ֆիլմը Մար դել Պլատայի կինոփառատոնում արժանացել է «Հանդիսատեսի համակրանք» մրցանակին
Արգենտինական Մար դել Պլատայի Կինոյի միջազգային փառատոնում կանադահայ ռեժիսոր Ատոմ Էգոյանի «Հիշիր» ֆիլմը արժանացել է «Հանդիսատեսի համակրանք» մրցանակին:
Ինչպես տեղեկացնում է Telam պարբերականը` 30-րդ միջազգային կինոփառատոնի փակման արարողությունը տեղի է ունեցել նոյեմբերի 7-ին Մար դել Պլատայի «Աուդիտորիում» թատրոնում, որին ներկա են գտնվել ինչպես մրցույթի նախագահ Խոսե Մարտինես Սուարեսը, Արգենտինայի Կինոյի և արվեստի ազգային ինստիտուտի նախագահ Լուկրեսիա Կարդոսոն, այնպես էլ հայտնի դերասաններ և իշխանության ներկայացուցիչներ:
Օսկարակիր Քրիստոֆեր Պլամմերի և Մարտին Լանդաուի մասնակցությամբ «Հիշիր» ֆիլմը պատմում է «Օսվենցիզմի համակենտրոնացման ճամբարի» տարագիրներից մեկի վրեժի մասին:
Ինչպես ինքը Էգոյանը բազմիցս նշել է` ֆիլմն արտացոլում է նաև Հայոց ցեղասպանության ցավն ու տառապանքը:
Studio One