Եղանակն՝ այսօր
Երգչուհի Իրինա Դուբցովան բաժանվել է իր հայազգի ընկերոջից
Ռուս հայտնի երգչուհի Իրինա Դուբցովայի կյանքում կրկին կտրուկ շրջադարձ է եղել. նա բաժանվել է իր սիրելիից` հայազգի երաժիշտ և կատարող Վիտալի Մակարյանից, ով հայտնի է Մարսել բեմական անունով։
Բաժանման պատճառ են դարձել տղամարդու խիստ բարքերն ու հաճախակի տարաձայնությունները։ Հոգնելով այդ կյանքից` Իրինան ինքն է առաջարկել վերջակետ դնել իրենց հարաբերություններին, գրում է loveradio.ru-ն:
Դուբցովայի և Մակարյանի սիրավեպը սկսվել էր այս տարվա գարնանը։ Նրանք հանդիպել են մոսկովյան ակումբներից մեկում, փոխանակվել են համարներով և մեկ ամիս անց սկսել հանդիպել:
Լրատվամիջոցներին հաջողվել է պարզել, որ զույգը խիստ վիճել է դեռևս մեկ ամիս առաջ։ Պատճառը եղել է այն, որ երիտասարդը չի դիմավորել սիրելիին օդանավակայանում, թեև խոստացել էր։
Բացի այդ, նա դադարել է պատասխանել հեռախոսազանգերին` հետագայում պարզաբանելով, թե զբաղված է եղել։ Երգչուհին առաջարկել է բաժանվել, սակայն երիտասարդը պնդել է, որ մի փոքր դադար տան հարաբերություններում։
Studio One